უსაფრთხოების სისტემები საქართველოში

სათვალთვალო კამერები და ვიდეო მონიტორინგი

კამერის შერჩევისას გადამწყვეტია სამი პარამეტრი: სად დგება (შიდა თუ გარე), რა მანძილზე უნდა იკითხებოდეს დეტალი და როგორია განათება ღამით. გარე მონტაჟისთვის საჭიროა ტენისა და მტვრისგან დაცული კორპუსი, ღამის ხედვა კი ინფრაწითელი განათებით ან ფერადი ღამის რეჟიმით მიიღწევა.

გარჩევადობის უსაფუძვლო გაზრდა ხარჯს ზრდის ორმაგად, თავად კამერაც უფრო ძვირია და არქივისთვის მეტი დისკიც სჭირდება. ამიტომ ვირჩევთ იმ მინიმუმს, რომელიც კონკრეტულ ამოცანას ნამდვილად ხურავს. იხილეთ სათვალთვალო კამერები.

ქსელური ჩამწერები და არქივის შენახვა

ჩამწერი (NVR) კამერების რაოდენობის მიხედვით ირჩევა, სათადარიგო არხების მარაგით, სისტემის მოგვიანებით გაფართოება ასე უფრო იაფი გამოდის. არქივის სიღრმეს განსაზღვრავს დისკის მოცულობა და ჩაწერის რეჟიმი: მოძრაობის დეტექციით ჩაწერა იმავე დისკზე რამდენჯერმე მეტ დღეს ინახავს, ვიდრე უწყვეტი. იხილეთ NVR ჩამწერები.

სახანძრო სისტემები და დეტექტორები

სახანძრო სისტემა ორ ტიპად იყოფა: მისამართული პანელი ზუსტად მიუთითებს, რომელი დეტექტორი ამოქმედდა, რაც დიდ ობიექტებზე კრიტიკულია; არამისამართული უფრო იაფია და მცირე სივრცეს შეესაბამება. სისტემას ავსებს კვამლის დეტექტორები, სირენები, განგაშის ღილაკები და საევაკუაციო განათება. იხილეთ სახანძრო სისტემები.

სიგნალიზაცია და დაშვების კონტროლი

სიგნალიზაცია შეღწევას აღმოაჩენს მოძრაობის დეტექტორებით, გერკონებითა და მინის მსხვრევის სენსორებით; უსადენო კომპლექტი მოსახერხებელია დასრულებულ ინტერიერში, სადენიანი, უფრო მდგრადია. დაშვების სისტემები კი შესასვლელს აკონტროლებს დომოფონით, ბარათის წამკითხველით ან GSM კონტროლერით. იხილეთ სიგნალიზაცია და დაშვების სისტემები.